][®][^][®][يـــــوم فــــــي حياة عضـــــو][®][^][®][

][®][^][®][يـــــوم فــــــي حياة عضـــــو][®][^][®][

موضوع جميل وخفيف وياليت الجميع يشارك فيه
الفكره عجبتني وحبيت اطبقها في منتدانا المتألق...

سنقوم باستضافة عضو..يحكي لنا عن مسار يومه
منذ ان يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكم جميل لو كان به
بعض المــرح والإنطلاق والتحرر من قيود المواضيع الرتيبه

ثم بعد أن ينتهي يقوم هو شخصياً بأختيار عضو آخر
ليحكي لنا عن تفاصيل يومه وكيف يقضيه...

طبعاً حبذا لوكان التحدث عن يوم عادي وليس يوم إجازه
وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد ان ينتهي
يختار هو العضو الذي يليه وهكذا....

وانا اول من سيختار....

نومي ..

تسلممين ع المووضوع الناايس وهم تسلميين ع الاختيييار وبتكلم عن امس لانه اليوم ماخلص كح كح .. albino

امس الساعه 5 الفير وانا في قمة
الاستمتااع" بالنومه << albino

جاان اسمع صووت امي تقيمنا حق صلاة الصببح وطبعاا انا كل يووم رازه الفيس في غرفة خيتوو لانه حددي ماخااف في الييل فيعني شي طبيعي اني انام عندها خخخ
و انا نومي خفييف بسرعه اقووم لكن اختي لوو مدفع رمضاان ماقاامت هههه
ويوم قمت وصليت وخصلت وطبعاا منبه خيتوو شغال ولا تفكر تبنده فيعني خربت نوعا ما من صلاتي وراشد الماجد حنجرته خلااص راحت فيها من كثر مايقوول بحط قلبي بي ايدينك هديه خخخخخ
وبعدين رحت كملت النوومه لين الساعه 10 ونص قمت على مسج بنت خالي ادري فيكم ملاقيف تبون تعرفون شنو هو فرااح اكتبه لكم ..
( دبوووه بلييز اذا فااضيه اليوم تعالي الستي معااي)
المهيييييم فطبعاا انا ماصدقت خبر رحت كلمت امي وقالت لا مانع لدي << rabbit

وبعد هـ الخبر استانست وتفطرت خبز وجبن وحلييب <<حلفي عااد خخخ وبعد ماخلصت قعدت شووي ع النت لين مانجبو الغداا وكان مجبووس ربياان وبعد ماخلصت جفت البيت كلله يتجهز ويوم سألتهم وين رايحين طلعو رايحين السيلين وجاان اتحسف اني واعدت بنت الخاال .. Sad

لكن للاسف هم رااحو وانا قعدت في البيت في هدووووء تاام كح كح وبعدها ياات بنت خالي من الوكره ورحناا الستي وماطولنا لانه حدده كان ملااغه الستي والشي الوحيد الي ونسني هو اني جفت لاعب السد تينووو afro

وبعد مارجعنا تقريبا الساعه 7 دقت علي صاحبة الموضوع ( rendeer

) وقالت لي افتحي اييميلي وسكري وعطتني البااسورد الي مادري شلوون هي حافظته كح كح وللحين مادري شنو سر انها خلتني افتحه واسكره وطبعاا القافه الي فيني جفت من ضايفه احم احم <<لحد يعصب علينااا ..
وبعدين قعدت اجووف ستار اكاديمي البراايم السخيييف ويوم تمللت دقيت في عيسووه خالي قلتله حددي متملله قال خلااص بايي لج ووونسني لين ماوصلوو الاهل من السيليين وجاان يصير البيت ازعااج وقعدت خيتتو تراوين شنو مصووره في كيمرتهاا ..
وفي صوره حدهاا ضحكتني بدووي نازل البحر بهااف "بس" والاخت ماصدقت خبر وصورته خخخخخخخ وبعد ماخلصت جفناا نتايج ستار اكادمي الي قهرتني لاني مادااني عدنانوووه Sad

وبعد ماخلص ستارااك من الفرااقه قعدت اصووت حق مشرووع معلق وحق المعلق حمد الزمان لانه سداااوي كح كح ولانه بعد التصويت رخييص بس برياليين .. << اهم شي .. albino

وبعدها حسييت اني داايخه ورحت انااااام وخلص يووم في حيااتي .

وبختاار بعدي مغروووره .. santa

يعطيج العافيه اختي نومي ..
انا بعد بقوول عن امس ..

الله يسلمكم قمت الساعه 10 الصبح ][®][^][®][يـــــوم فــــــي حياة عضـــــو][®][^][®][ 876577

رحت الحمام برشت اسناني bounce

, بعدها فتحت ايملي جان مالاقي حد الا ولد عمتي سولف معاه شوي الا وابوي يناديني يقولي يالله ريووق جان اروح اتريق .. بعد الريوق رحت اتسبح << النظافة من الايمان بعدها صليت الظهر وبعدين جهزت فسطاني لان فليل عندنا عرس << ونااسه بنرقص geek

هع هع
وبعدين ترن ترن >> رن تلفون البيت
تبون تعرفون من كانت يدتي الغاليه
يدتي :شخبارج يما ؟
انا:انا تمام
يدتي:شتسوون ؟
انا :والله قاعده اشوف التلفزيون
يدتي:انزين متى بتيوون ..؟ << الله يسلمكم يوم الجمعه احنا بنتجمع في بيت يدي
انا :انشالله بعد شوي
يدتي : خلاص بس لاتتاخرون
انا : انشالله
وسكرت التلفون ورحت اجهز وبعدين رحت بيت يدتي
..........
في بيت يدتي بعد ماسلمت قعدت وبعدين انجبوا الغدا وتغدينا بعدها خذت قصة "قمر وخالد" عشان اعطي ولد عمتي لان طالبها مني
وبعدين ع الساعه 3 طلع ولد عمتي ونسى القصه
اتصلت له ..
مبارك : هلا
انا : اهلين
انا : نسيت القصه ..
مبارك : اووه انا طلعت وتوني تذكرت اني نسيتها
مبارك : خلاص بقول حق حمد اخوي ياخذها ..
انا : خلاص اوكي
مع السلامه ...

....................
المغرب رجنا البيت عشان نجهز حق العرس وبعد ماجهزنا رحنا العرس وانا فالسياره تذكرت شي في ايميلي واتصلت في نومي
انا : هااي
نومي : هااياات
انا :نومي فتحي ايميلي
نومي : اوكيك ويت شوي
نومي : شنو البسورد
انا: ************>> ربع سااعه وانا انقلها البسورد silent

هع
نومي : اي ايميل
انا : بنت قطر ..
نومي : خلاص اوكي
انا : ثانكس حبوو
انا : بااي
نومي : بايات
.......
وبعدها وصلنا الردس وقعدنا ورقصنا واستانسنا Laughing

وبعدها صدعنا ورجعنا البيت ...
وبعدين فتحت ايميلي مالقيت حد وبعدين فتحت المنتدى لعبت شوي وطلعت ورحت طيرت المكياج اللي في ويهي ..
ورقدت Sleep

وانتهى يومي ..

مشكوره نومي ع الاختيار .. وانشالله ماحفظتي بسوردي ..هع هع

وبختار الذيب القطري ..

المساهمات : 41 تاريخ التسجيل : 24/02/2008 العمر : 33

امحق
حطواك امام الامر الواقع<<<

انجين شسويت انا أمممممممم
يوم الجمعه قمت الصبح الساعه تسع
وبعد ماخلت من الحمام وانتو بكرامه
رحت اقرا الجريدا واسولف مع ابوي
وننطر الاخوان الكرام يقومون من النوم
وبعد ماقامو نزلنا نتفطر عقب الفطور رحت ادرس
وعقب تسبحت واستعد للصلاة بعد الصلاة ربع ابوي تيموع وقعدنا مع بعض
ع الساعه 2 جاني ستاذ وملغ علي لين الساعه اربع ع الساعه 5 رحت الستي دخلت
فلم والساعه 9 رجعت البيت وقعدة لين الساعه وحده من فلم لين فلم اطلع و ع الساعه وحده ونص رقدت
وقمت ثاني يوم الي هو اليوم الساعه 6 الصبح وقعد اادرس لين الساعه سبع وبعدين تفطرت مع ابوي وطلعنا رحنا المكتب وبعدين رحنا وكالت البورش والبي ام وعقبها رحنا المول ورجعت البيت الساعه 12
وقعدت مع الاهل وتغدينا وبعدين رحت اقدم امتحان كمبيوتر الي رسبت فيه ورجعت الساعه 5 ونص المغرب ودخلت النت والا الاقي نفسي امام الامر الواقع في هل موضوع

ويسلموووووووووو ع الموضوع
عاد ان اماعرف احد بهل منتدى
مادري من اختار

ثاانكيوو اخووي ..
يومياتك كشخه .. هع

انزين انا بختار بدالك ..
وبختار بشموخي اقهرهم..

المساهمات : 6 تاريخ التسجيل : 24/02/2008

هااي ..
اول شي ثانكس على الموضوع النااايس ...

والله اليووم كاان يووم عاادي وملييغ نفس كل يووم ..
كان الساعه 4 الفير وكنت في ساابع نومه إلا فجأه يرن جوالي وانا كنت نايمه ومااااالي خلق احطه
سااايلنت وبعد الخمس رناات استسلمت وقمت ابي ارد إلا يطلع ان انا بالغلط حاطه المنبه سااعه 4 فنمت وانـا معصبه وبعدين ياات خدامتنا قومتني وصرخت عليها صراااخ (( لانها صج زعجتني )) ..
فأول ما قمت تذكرت اني ما حليت واجبي فبدلت بسرعه وحليت وااجبي بسررعه لان اذا ما حليته بتوقفني الابله وانا مالي خلقها لوووووووول جني يااهل يوقفوني المهم ركبت السيااره وبعد 15 دقيقه وصلت المدرسه واول ما ما وصلت ونزلت من السيااره الا اسمع صوووت شي ينشق إلا اطالع عبايتي واجوفها مشقووقه فقمت اقوول اف اشهاليوم النحس ..
ويوم دخلت الوكيله صرخت علي لاني يايه متأخره وبعدين وديت حق الابلة الرياضياات دفتري لانها واايد عصبيه وللعلم انها (( مصريه )) يعني لازم تكون مشدده على كل شي ويووم دخلت الصف الابله كانت معصبه على البناااات وانا اضحك عليهم هههههههههههههه ..
المهم مر اليوم عااادي و يووم يات حصة الملاغه وهي حصة (( الرياضياات )) كنت مستانسه لانها ما وقفتني إلا فجأه تسألني سؤال وجاوب غلط ووقفتني طوووووول الحصه لووووووووول والله صج تعبت ..
اي وبعد حبستنا عن الخمس دقايق ..
وبعدين يوم طلعت الكل قام يتشمت فيها ... لوووووول
ويوم رديت البيت على طووول نمت ويوم قمت كلت ومن ذاك الوقت انـا قاعده على النت ومتملله حدي لوووول << صج يوم كئيب صح :p وبس .. واختار ماجك غيرل

تســلمين بشموخي ع هاليوميات ..
وبنتظار ماجك.. Very Happy

هاااااااااي ..
كالعادة .. قمت الساعة خمس وربع الفير بدلت ثيابي وتريقت بانكيك وطلعت من البيت الساعة ست وربع خبركم الطريج طويل لين ما نوصل!!! ومرينا على بيت عمي عشان ناخذ بنت عمي بس تأخرت رحنا عنها خخخخ.........
وصلنا المدرسه... وحضرنا الطابور المصخرة .. قاعدين وهزؤن فينا صيرو انسانات جايفينا حيونات وانا مادري....
المهم خذنا الحصص ولوعو جبدنا بالتطابيق ( امية الف تطبيق في اليوم )....
وفي الحصة السابعه صادتني حالة هستيريه انا وبنت القبايل... قالة مثل تمينا طول الحصة نضحك .... وهي قامت تصيح من الضحك ...(مافيها زود عن مغروره) Laughing

( قالت مد ريولك على قد الحافك ولا تخلي أخوك يرقد وياك)هع
رعت البيت وفخيت وعقب قمت العصر ادرس .. وعقب قعدت اشوف مباراة السد والاهلي... وبس والحين قاعدة اكتب الرد....

برشلونية...

^^

اهم شي في يوميااتج مباراة السد هههه
ع الاقل قوولي مبرووك صج ريانييه < طلعي بررع albino

لوول..
تسلمين ماجك ع المرور..
وبنتظار برشلونيه .. Very Happy

برشلونيه شالسالفه ردي ع الموضوع ..
عندج يومين واذا مارديتي بنحط عضو ثااني بدالج عشان يصير في تفاعل.. Rolling Eyes

ونختار عضو ثاني ..

أم كشه..

المساهمات : 91 تاريخ التسجيل : 21/02/2008 العمر : 103

هااااااااااااااااااي

تبعا اول مره و اخر مره تختاروني ..>>حمدي ربج..

Rolling Eyes

انا الصراحه ما اذكر شصار >>من متى عندج ذاكره..؟؟

الموووهييم

تبعا اليوم قعدت الساعه اربع و نص و ثلاث ثاوني >>دقه ماشاءلله
يعني تدرووون مفتاح المطرسه عندي Wink

ما اذكر شصااار بالضبط بس كالعاده طالعه و الجوتي فـ صوب و الدلاغ فـ صوب و لما ركبت السياره طاح الجوتي و صكيت الباب و نسيت الجوتي برااا و تذكرت و قلت حق ابوي يوقف و و و و >>خلصييينا Mad

الموووهيم خذت الجووتي و رقدت في السياره لين ماوصلناعند لفة المطرسه قعدت و لبست الجوتي >>ماصااار جوتي..! Laughing

و نزلت و لقيت العمال في (( القنينه )) يعني حديقه بالانجليزي Laughing

سحبت المكينه و هاوشوني كالعاااده..

دخلت تك تك تك تك تك >>يعني انا امشي
وصلت الصف طيط طيط
فتحت الباااب تبعا تبعا مالقيت حد ..، سويت حفلة >>عشان اللي مايدري اني موجوده يدري
و مكافخ مع الكراسي و تشدخ ، و وصلو البنات و و ما اذكر شصااار
الحصه الاولى و الثانيه حاسوب الحصه الاولى امتحان الثانيه ماسوينا شي الابله خلتني اطلع برااا >>لاحد يفهم غلط

خلتني اروووح اخذ الجدول و معاي وحده تبعا ان اماصدجقت دام ان السالفه فيها طلعه و ما خليت فريج الا و مريت عليه و ييت عند صفووف كوووم و شفت ..ماجيك..و ..كريكر..و و مالحقت اشوووف الباقي تبعا هم عيونهم طاايره عند الباب Shocked

>> كآآآآآآآآآآآآآك
الحصه الثالثه رياضيات و صارت سالفه بااايخه و في الفرصه هياااته lol!

و دعمت كم عموود و كم طوووفه
بس بعد كان ملل اليوم مع اني احب هاليوم لانه (( تيوووس دي )) Laughing

و الحصه الخامسه شفت ..مغروره..تبعا تناديني تقووولي ..ام كشه..>>كآآآآآآآآآآآآآآآآآآآآآآآآآآآك اللي مادرى بيدري
قالت لي ادخل الموضوع قلت لها اوكي

الموووهيييم

بعدي كم ساعه ما اذكر شصااار drunken

>>قمة التفهي

الموووهيم >> يا مكثرها في السالفه..

امممم scratch

جرس السابعه الله الله الله احلى شي احلى شييييييي ..
تبعا افتكيت احس هم كان فوووقي cheers

و شلت قشي و طخ طخ طخ طخ طخ طخ طخ تبعا هذي الطلعه لان كانوا بنات واايد فهذه انها تكون وقع الاقدام ..

تبعا على ماوصلت عند الباب انهد حيلي و انقص جتفي من الشنطه
المووهيم اوصلو "الشله" بعد معاناة في الزحمه اللي داخل

و ضحك و صراااخ ومافي الا صوتنا مع العلم ان ابلة العربي منبهه >>تشتغل ساعه Laughing

ان محد يضحك >>تبعا كل شي على كيفها الضحك,المشي,اللعب,الاكل,الهوى,النبات,الاشجار ,الحيوانات و زرعت البنت وردة و فاعل مرفوع >>شدخل Suspect

الموووهيم
وصلت السياره و انقلعت على خير و وصلت البيت و ييت كتبت الموضوع
الحين بروووح لان بتيني فلعه قووويه affraid

*ملاحظه تم قطع بعض اجزاء الروايه>>اهم شي
لعدة اسباب يرد ذكرها لاحقا..

:

afro

تســـلمين ام كشه ع المرور ..
يومياتج حلوه بس عشاان فيها نكي Very Happy

<< عااش وااثق

انزين ماخترتي عضو ..!!؟
خلاص انا بختار بدالج ..

وبختــار.. "نومي"... cheers

يسلموو حبو ع اختياري لثاني مرره .. albino

واليوم السااعه 6 الصبح يات خدامتنا (درقه) تقيمني لكن لا حياة لمن تنادي وكل مااجوف الساعه 6 احس تو النااس وارد اناام لين مازهقت مني ورااحت تجهز الفطوور شوي الا يات المزعجه الثانيه مانجا حبيبة برشلونيه خخخخ وهم ماقمت لين مايات لي زعيمة الخدم لجمي وقعدت تصرخ فووق راسي لين ماضطرييت اني اقووم جان تصير الساعه 6 ونص ونسيت انه اليوم سيارة دريولناا في القرااج وانه ولد خالتي بيمر عللي ويوم تذكرت قمت بسرعه بسرعه البس واسوي شعري جاان اسمع الهرن برع وقلت اشهالوهقه لكن نقعدته شووي برع لين ماخلصت بس للاسف ماتفطرت ورحت السكوول جان اتهاوش من صباح الله خير مع وحده من بناات صفناا خخخ << يالله صباح خييير
وبعديين رن جرس الحصه الاولى وكاان عليناا امتحان حاسووب والحمدلله قدمت عدل والحصة الثانيه قعدنا بس جي نسالف عن الرحلله .. Sad

والحصه الثالثه نسيت شنو كان عليناا المهم اول مارن جرس الفرصه لبسنا العبي واخرر شي لغوو الرحلله << وجااان نتفشل

المهم بعدين تحبطنا ويات ابلة الرياضياات يعني تبي تراضينا ودتنا معرض السكوول وبعديين رجعنا والحصه الخامسه كان علينا (العووده) وطوول الحصه وهي تقل علينا نغزاات انه واايد نسولف لكن ماعطيناها ويييه وبعدين يات ابلة العللوم وجان اطلع من حصتهاا اول 10 دقايق ورحت خذت الجريده من ابلة الرياضييات وقعدناا نقراهاا في الحصه وبعدين رن الجرس واخر حصه ما ياتنا مدرسه وقعدت وحده من البناات تمصخر فيناا خخخخخ قعدت تقلدناا في الحصص كاااااااااااااااك
وبعدين ردييت البيت وقعدت افكر متى اجووف المباراه ومتى ادرس وتوصلت اخر شي اني انام الظهر وبعدين اقووم اجووف المباراه وبعديين ادرس وصاار هـ الشي وجفت المباراه والحمدلله فزناا والجمهور كان ولا اروووع وكلله من برشلوونيه خربت عللي ومارحنااا المهم بعد المبارااه رحت ادرس وطلع الحااسوب اسهل من ماكنت اتوقعه ودرست والحمدلله خلصت والحين برووح اسوي لي جم برشووومه خخخخخ .,

ودخلت المسن وجفت انه مغروره مطرشه لي هـ الرابط وردييت ع الموضوع .. =d

انتهت القصه .. albino

وبختااار مغروررره

الله يسلمج .. وثاانكس ع اختيارتي 2 ..

{.. راضي اعيش ايام عمري كــلها عندك...
الساعه 6 الصبح يرن منبه الجوال..
بس ماكان لي خلق اقوم فرقدت لين الساعه 6 ونص بعدين يات اختي تهاوشني عشان اقوم طبعا لين مااجهز وجي صارت الساعه 7,10 دقايق ركبت السياره الساعه ركبت السياره الساعه 7.20 وايد تاخرت ع المدرسه واول ماوصلت جان الابله السخيفه تمش ويهي عبالها حاطه ميك اب بعدين كنت امشي بكل برود عشاان اتاخر ع الحصه ..
جاان اشوف بنات صفنا فـ معمل الحاسوب بس صج ماكان لي خلق حق ملاغة هالابله من الصبح جان ادخل تقولي من وين ياياه قلت لها من البيت يعني من وين .. !!
كنت افكر اغيب هاليوم بس تذكرت الرحله affraid

وبعدها قدمت الامتحان king

بعدين رحنا الصف واحنا مشتطين ورانا رحله الا اتيي الصاعقه Neutral

ان اليوم كان يوم الاولاد <<< يعني انا ابي اعرف الشباب شيبون فالمعرض والله سخافه
قامت مس توفي الحصه الرابعه وكتبت " مسويين اضراب مافي دراسه"
Mad

جان نكسر خاطر ابلة الرياضيات Twisted Evil

فكانت تبي تراضينا فقامت ودتنا معرض المدرسه << الله والمعرض مافي الا كتابين ومادري شنو study

بعدين يات "العــوده" وملغت وكان فيني حره عليها السخيفه كل سااعه وقطت نغزه Evil or Very Mad

وبعدين مادري شنو كان علينا اخر حصتين ..
scratch

وبعدها رجعت البيت وصارلي نفس نومي كنت افكر متى بشوف المباراه ومتى بدرس بعدين رحت ارقد Sleep

قمت الساعه 4 ونص قعدت بعدين درست شوي وقعدت ويوم بدت المباراه قعدت جدام التي في ادرس << خوش دراسه Smile

قووووووووووووول
وبعدهاا
قوووووول ثاااني وااو وناسه ..
بعدين راجعت بعد شوي
بعدين تعشيت وقعدت ادرس شوي بعدين رقدت ..
ثاني يوم قمت الصبح غسلت ويهي santa

وكشخت ورحت المدرسه مشتطه بس كنت خايفه شوي من الامتحان
بعدها يات ابله العلوم وعطتنا الاوراق Shocked

الله يستر بس طلعو ورقتين خمس دقايق والصف خلص بس كل ماقالت الابله باخذ الاوراق قلت لها براجع لين ماخلصت الحصه وبعدين الحصه الثانيه مادري اي ابله كانت علينا وبعد ع الحصه الثاثه ودونا معمل الاقتصاد كان في مسابقه وطبعا صفنا فااز king

ومر اليووم بسلام .. رجعت البيت وفتحت المنتدى ولقيت نومي مختارتني ......
ودمتم سالمين ..

والحيـــــــن بخــتاار "بشــموخي اقهرهم"..

وبنــتظار بشــموخي اقهرهم؟؟

كل عضو نختاره له يوميين عشان يرد ع الموضوع ..
واللي مايرد "سوف يتم اختياار عضو آخر "..
وسوف يتم ارسال رساله للعضو اللي تم اختياره ..
وبما ان "بشموخي اقهرهم" صار لها ثلاث ايام ماردت
بنختار عضو ثاني ..
qatar angel

[size=18]

باااااااااااااال مغروره شكلج حاطه العين علي ....ههههههههاوكي باقول .....
اممم
اليوم الجمعه اشسويت اشسويت ..امممممم
اول شي قمت الساعه 11 اتريق ...طبعا اشرب نسكفيه وعقب ...اذا فكرت اتريق ..ههههه الريجيم ومايسوي ..احم احم ...
بعدين انزل تحت اجوف اوضاع البيت شيسوووووون وشيحوووسووون ...
طبعا اخوي الكبير محد واخوي الثاني والثالث ..يتهاوشون ...<< كالعاده يوميا خخخخخواختي اتطالع تلفزيون . ....عقب العصراقول حق خدامتنا اتيب الريوق بيت يدتي عقب اروح بيت يدتي ...الاقيها اتغدى ....ههههههه ..... >> آآنه وين ويدتي وين الناس يتغدون وآنه توني اتريق ....>> واللله حاله ..
هههههههههههههههههه

اممممممم بس ...[/

size][center]