مسااا الجوري
كل شبر بهالوسعيـه ملـك ربـي تعلميـــــــن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيــتـن
كن ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـــــــــون
ع الأقل ليا نظرتك سـوي روحـك تستــــــحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيــــــن
وفيـك جآزم لا ركـادة ولا حيـاءٍ يـذكــــــرون
تعرفينـي ؟! أعرفـك ؟! مذكـر إنــا ملتـــقـيـن
لا أعرفك من تكوني و لا تعرفي مـن أكـــون
وإطمأني أن كان قصدك بس فينـي تشبهيـن
ما هـو أنـا إلي تعرفيـه والبشـر يتشابــهـون
مـا دريتـي مالتشابـه يخلـق الله أربعــــــيـن
وأعرف أربع يشبهنك بـس والله يستحــون
وإن كان قصدك شي ثاني عاد قولي وش تبـــين
خايف إنا نصير فرجة وإللي ماشتروا يتفرجـون
وإذا ع البال عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتــــــون
ولو توفر فيك هـذا مـع حلاتـك تبشريـــــن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتـــيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا مانـك تسمــــعيـن
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع ينزفـون
آه ياني منه مشهـد يـوم شفتـك ترحليـــــــــــن
جيت اشوف عيون ربعي لقيت الكـل يدمعـون
قلت سنّـة هالحيـاة وحـن ترانـا مؤمـــــــــنيـن
الله اللـي مسيّرنّـا بيـن كافـ وبيـن نــــــــــــون
وكل أبونا نختلف مع إننا مـن أصـل طــــيـن
سبحان يلي مصورنا ولله في خلقـه شــــؤون
يعني حنا كل أبونـا عـاد إسمنـا بنادميــــن
وليا قضى ربك أمر وقـال لـه كـن فيكـون
فينـا يلـي رازقه خيـر رب العالمــــــــــيـن
وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفـــــقـهـون
بس قليل عـاد فينـا للنعـم هـم شاكــــــــــريـن
والله يرزق هالخلايق من حيث هم لا يعلمون
وتدري عاد يالكفيفة حنا تراى متشابهــــــــيـن
وإن مانعمت أبصارنا القلوب أهـم إلي يعتمـون
يالكفيفة يالعـــفيفـة إن قلـت آســــــف تقــبـــــليـن
يغفر الله ذنــوب عبده ليا خطا وهـل تغفـــــرون
منقــول..
الأحد مارس 16, 2008 1:18 pm
